Pagtalakay ng mahigit P6-B budget ng OP mabilis na lumusot sa Senado

Mabilis na lumusot sa pag-talakay ng mga senador ang mahigit P6 billion budget para sa Opisina ng Pangulo.

Gumugol lamang ng tatlumpung (30) minuto ang paghimay ng plenaryo sa P6.7 billion pondo ng Office of the President (OP) para sa susunod na taon.

Matatandaang, una nang naihanay kahapon ang nasabing budget ngunit naging abala ang mga senador sa joint session ng Kongreso para sa panibagong extension ng martial law sa Mindanao.

Samantala, inaprubahan rin naman ng Senado ang karagdagang P100 million pondo para sa Opisina ng Pangalawang Pangulo.