Pagrespeto sa tawhanong katungod dakong hagit sa kapulisan

CAGAYAN DE ORO CITY – Nagpahinumdum si Misamis Oriental Police Provincial Office Director Rolando Destura ngadto sa mga police nga respetuhan ang tawhanong katungod sa mga suspek diha sa ilang police operations.

Matud pa nga dakong pagsulay alang sa kapulisan ang isyu sa tawhanong katungod ilabi na sa ilang anti-criminality campaign.

Sa kabahin sa Cagayan de Oro City Police Office o COCPO, nanawagan usab sila ngadto sa mga ginsakpan niini nga tahuron gayod ang tawhanong katungod matag-usa.