Pagpupulong ni PDuterte at CBCP Pres. Valles aksaya lamang umano ng oras

Pagsasayang lamang ng oras at panahon.

Ganito ituring ni Sister Mary John Mananzan, dating Co Chairperson ng AMRSP o Association of Major Religious Superiors of the Philippines ang naging pagpupulong nina Pangulong Rodrigo Duterte at CBCP President Davao Archbishop Romulo Valles.

Sinabi ni Mananzan na sa simula simula pa lamang ay wala na siyang nakikitang magandang resulta ng pulong dahil wala naman aniyang isang salita ang pangulo.

Wala niyang kuwenta ang pakikipag diyalogo kung malinaw namang hindi susunod sa anumang mapagkakasunduan ang isa sa dalawang panig.

Ang tinutukoy dito ni Mananzan ay ang Pangulo na matapos mangakong ititigil ang pagbatikos sa simbahan ay nagpalabas muli ng mga pag atake laban dito.