Ang konseho sa Cagayan de Oro nag-awhag sa Police Regional Office sa Northern Mindanao sa pagpagula sa listahan sa mga qualifikado nga mamahimong police director nga ikapuli kang Pol. Col Nelson Aganon nga nagpabilin pa karong nagcomatose tapos nakasinati sa aksidente niadtong May 22.
Matud pa ni City Councilor Romeo Calizo sa iyan special report nga bisan ko makarecover pa si Aganon gituhuan nga adunay mga tukmang medikasyon niini ug malisod nga makabalik kini gilayon sa iyang pwesto isip police director sa Cagayan de Oro City Police Office o COCPO.
Sa pagka karon, si Police Lieutenant Col Renante Reyes nga mao ang deputy director for administration sa maong opisina mao una ang temporaryong nagsilbi nga Officer-In-Charge samtang wa pa kakita sa full-fledged nga city director.
Matud ni Councilor Calizo, limitado lamang ang function ni Reyes ug dili kini makahimo sa mga critical nga desisyon ilabi na sa operational matters. Mao nga nagtuo si Calizo, kinsa maoy chairman sa committee on police, fire and public safety sa konseho nga angayan lang nga sa labing madaling panahon naa nay kwalipikadong police nga makatake-over sa posisyon ni Aganon.
Si Aganon nagpabilin sa intensive care unit tapos makahiagom sa samad sa ulo sa pagsakay sa motorsiko samtang nagpahigayon sa motorcycle jump practice.