Pagkalas ng PH sa ICC epektibo na ngayong araw

Epektibo na simula ngayong araw ang pagkalas ng Pilipinas sa International Criminal Court o ICC.

Marso noong isang taon nang abisuhan ng gobyerno ng Pilipinas ang United Nations sa desisyon na kumalas na sa Rome Statute, ang international treaty na lumikha sa ICC.

Magugunitang ipinag-utos ni Pangulong Rodrigo Duterte ang withdrawal mula sa tratado dahil sa imbestigasyon ng ICC sa mga krimeng may kaugnayan sa war on drugs ng pamahalaan.

Gayunman, iginiit ng ICC na tuloy pa rin ang kanilang imbestigasyon kahit umatras na ang Pilipinas sa kasunduan.