Pagiging Drug Free Philippines sa 2022 target pa rin ng PNP

Never say die ang pambansang pulisya sa pagkakamit ng kanilang target na mapalaya ang Pilipinas mula sa iligal na droga pagsapit ng taong 2022

Iyan ang inihayag ni PNP Chief P/Gen. Oscar Albayalde kasabay ng 2^nd Anibersaryo ng PDEG o PNP Drug Enforcement Group

Sa kaniyang mensahe, ibinida ni Albayalde ang lahat ng mga naging accomplishment ng PDEG sa nakalipas na 2 taon

Kabilang na rito ang pagkakasakdal sa Bigtime Drug Suspect na si Horacio Hernandez Herrera, gayundin ang pagkaka-aaresto sa 26 na iba pang Drug Suspect kabilang na ang 7 dayuhan

Gayundin ang Bultu-Bultong Shabu, Tone-Toneladang High Grade Marijuana, mga Drug Paraphernalia, mga sasakyang ginagamit ng sindikato at iba’t ibang uri ng mga armas maging ang mga bala nito