Sugod sa Enero 1, 2020 dinhi sa syudad sa Cagayan de Oro ang paggamit sa plastic bags pagagamiton na lamang sa pagpack sa karne, isda, prutas ug mga utanon, matud pa sa City Local Environment and Natural Resources Office o CLENRO. Alayon niini ang mga business establishments dili na usab tugutan paggamit sa plastic sando bags sa pagputos sa sabon, dry goods apil na sa luto nga mga pagkaon ug uban pang produkto.
Hinuon ang lokal nga kagamhanan motugot sa plastic nga mga recyclable ug reusable isip alternative packaging material.
Matud pa ni CLENRO Chief Engineer Arman Caenca nga ang pagregulate sa paggamit sa plastic bags dakong tabang sa pagkunhod sa gidaghanon sa basura nga gihan-ok sa sanitary landfill sa Barangay Pagalungan ning dakbayan.
Ang pagpanghatag sa notisya sa tanang business establishment magsugod sunod bulan, tulo ka bulan sa dili pa hingpit ipatuman ang maong lakang sunod tuig.
Ang nahisgutang regulasyon pinasubay sa Article 9, Section 30 sa City Ordinance No. 13378-2018 or the Integrated Ecobiological Solid Waste Management Ordinance of Cagayan de Oro City.