Nag-Resign Si Camarines Sur Vice Governor Ato Peṅa, Ikinabigla Ng Lahat
January 10, 2019
Election period simula na sa Linggo
January 10, 2019
Show all

Pagdinig sa graft cases ni Revilla ipinagpaliban ng Sandiganbayan

Ipinagpaliban ng Sandiganbayan ang pagpapatuloy ng pagdinig sa labing anim (16) na kaso ng graft laban kay dating Senador Bong Revilla Jr. at mga kapwa akusado nito.

Ito’y matapos na mabigo si Atty. Richard Cambe at Janet Lim Napoles na makadalo sa paglilitis.

Batay sa panuntunan ng Sandiganbayan, dapat sa Muntinlupa kung saan nakakulong si Cambe isasagawa ang hearing.

Gayunman, pinuna ni Associate Justice Efren dela Cruz na mahihirapan sila kung sa Muntinlupa isasagawa ang pagdinig dahil sa dami ng akusado, testigo at mga abogado.

Dahil dito, sinabi ni Dela Cruz na hihingi sila ng permiso sa Korte Suprema na sa Sandiganbayan sa Quezon City na lamang isagawa ang hearing.

Mangangahulugan ito na kailangang ibiyahe sa Sandiganbayan ang mga nakakulong na akusado.

—-

 

 

 

Comments are closed.