Pagdagsa sa mga Torista sa syudad gilauman nang daan sumala sa City Tourism

by RPN News
0 comment
Pagdagsa sa mga Torista sa syudad gilauman nang daan sumala sa City Tourism

Davao City   Gilauman karon sa Lokal nga Kagamhanan nga moabot sa kapin 200 mil ka mga torista ang modagsa sa syudad karong buwan sa Marso aron makighiusa sa selebrasyon sa Araw ng Davao. Sumala pa ni Generose Tecson ang hepe sa City Tourism Office mas daghang torista ang moabot sa syuda karong bulana gumikan sa mas daghang aktibidad nga nakahan-ay alang sa selebrasyon.

Samtang nagpadayon ang nagkalain- laing aktibidad sa Araw ng Davao sunod pa lamang sa unang adlaw sa Marso, gipangandaman usab sa Lokal nga Kagamhanan ang Alveo Ironman 70.3 nga himuon sa Marso 22, 23 ug 24 nga salmutan sa nagkalain-laing Triathlon Athlete nga naggikan pa sa nagkalain-laing langyaw nga kanasuran.

Kahinumduman nga sa nakalabayng tuig nga kasaulugan sa Araw ng Davao, ang City Tourism Office mitala ug 180 mil kapin nga mga toristang mibisita sa syudad. Nag una sa listahan sa mga langyawng bisita naggikan sa Amerika, Japan ug Korea nga miabot sa 10 posiento.

Related Posts

Leave a Comment