Pagdadala ng tubig at iba pang klase ng liquid pwede na ulit sa MRT

Maaari nang magdala o magpasok ng tubig at iba pang klase ng liquid sa MRT o Metro Rail Transit 3.

Ngunit ayon sa pamunuan ng MRT 3, papayagan lamang na ipasok sa loob ng tren ang hindi lalampas sa 100 milliliters na dami ng dalang liquid substance.

Sakop nito ang mineral water, gatas, pabango at lotion.

Matatandaang una nang ipinagbawal ang pagpapapasok ng lahat ng klase ng liquid substance sa mga linya ng MRT at LRT matapos ang nangyaring magkasunod na pagsabog sa Jolo Cathedral.