Pagbili ng mga bagong helicopter ng Pilipinas sa Korea isinasapinal na

Nasa exploratory stage na ang Pilipinas para sa pagbili ng UH-1H at MD500 helicopters mula sa Republika ng South Korea.

Inihayag ito ni Defense Sec. Delfin Lorenzana sa kaniyang pagbati sa bagong South Korean Defense Minister na si Suh Wook.

Ayon pa sa kalihim, maliban sa pagbili ng mga helicopters mula South Korea, plano rin niya ang pagsasagawa ng joint visual inspection sa huling bahagi ng 2020.

Lalahukan ito ng mga kinatawan mula sa DND at Armed Forces of the Philippines (AFP) kasabay ng pagsunod sa biosafety protocols dahil sa nararanasang COVID-19 pandemic.

Gayunman, hindi pa masabi ni Lorenzana kung ilan at kailan maisasalya ang nasabing plano dahil kasalukuyan pa itong isinasapinal.