30 C
Manila
Friday, March 29, 2024

Pagadian: Kinatibuk-ang aktibong kaso sa covid-19 sa Zamboanga del Sur misaka na sa 153

- Advertisement -

Zamboanga del Sur – Padayong nagkataas ang ihap sa COVID-19 cases sa Zamboanga del Sur subay sa pinakaulahing update nga gipagawas sa Integrated Provincial Health Office (IPHO).

Visit RPN DXKP Pagadian

Adlawng Mierkules, Enero 12, nadugangan og laing 48 ka mga bag-ong kaso ang lalawigan hinungdan nga mitungtong na sa 153 ang total active cases. Gikan sa maong datos, 45 ang natala sa Pagadian City, tag-10 ka kaso sa Labangan ug Guipos, 9 sa Lakewood, 8 sa Lapuyan, 6 sa Mahayag ug 4 ka kaso sa Dumalinao. Samtang mitala og tag-3 ka kaso ang mga lungsod sa Margosatubig, Vincenzo Sagun, ug Dinas.

Sumala gihapon sa surveillance reports sa IPHO, miabot na og 13,049 ang total cumulative cases sa probinsya samtang 12,493 ang recovered ug 525 na ang COVID-related deaths.

Pahimangno sa Provincial Health Office sa mga Zambosurian nga padayong mosunod sa minimum health protocols ug ang pagpabakuna aron makabaton og proteksyon batok sa virus ilabina ang paspas-manakod nga Omicron variant.

(Source: ZDS Press Bureau, photo courtesy of ZDS Covid 19 Update)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -