Pag-apruba Sa Resolusyon Na Maghatag Otorisasyon Kan Mayor Matugas Pagdawat Sa Financial Assistance Gikan Gov. Matugas, Tagpa-oktaba

Human sa diskusyon nan Sangguniang Panlungsod nan jadton milabay na regular session kabahin sa isyu sa financial assistance nan kagamhanang provincial sa Surigao Del Norte pinaagi na kan Gov. Matugas, tagkadesidihan na dunga-gan pa an panahon sa diskusyon kabahin sa naasoy na pinansiyal para sa katukuran nan City Hall Annex Building. Nogawas sa mga argumento nan mga sakop nan konseho an matod pa na kinahanglan pa anay e-repaso an pirmahananan lakip na an matod pa kakuyangon nan pag-apruba sa sanggunian sa mismo proyekto na tumong sa 10 milyon ka pesos na financial assistance na amo an City Hall annex.