30 C
Manila
Friday, March 29, 2024

P160M gigahin ni Gov. Uy para sa “Zero Billing” policy

- Advertisement -

Compostela Valley Province–Dili moubos sa P160 Milyones ang gigahin karon ni Gov. Jayvee Tyron Uy aron mas daghang kabus nga mga pasyente diha sa upat ka mga hospital sa probinsiya ang makabanepisyo sa libreng pagpanambal ilalom sa mas gipakusog niyang Zero Balance Billing Policy.

Sulti kini sa gobernador atol sa “2nd State of the Province Address (SOPA)” didto sa Monkayo ug matud pa niya nga sa labing daling panahon pagasugdan pinaagi sa usa ka Program Launching ang iyang “Pagkalinga Para sa Bayan Program”.

Usa kini matud pa ka Social Program nga gituyo niya pagmugna aron mas daghang mga pasyenteng kabus ang makabenepisyo sa nagpadayon nga libreng pagpanambal ilalom sa mas gipakusog niyang Zero Balance Billing Policy sa upat ka Provincial Hospitals nga mao ang Compostela Valley Provincial Hospital (CVPH) Montevista, CVPH Pantukan, CVPH Maragusan, ug CVPH Laak.

Si Gov. Uy mihatag sa iyang SOPA diha sa Monkayo, ug sama sa iyang permirong SOPA sa milabayng tuig gipresentar gihapon sa report sa gobernador ang iyang Guiding Principle sa kadumalahang “One Comval, One Vision” tumong sa mas malungtaron ug mas mapadayonong panaghiusa ug pagtinabangay sa tanang mga lideres ug mga katawhang Comvaleño nga  sa kinatibuk-an na-encapsulate sa way utlanan ug way kinutobang hulad sa Planet (Planeta), People (Katawhan), Prosperity (Kaabunda), ug Peace (Kalinaw) nga gitawag sad niya nga 4 Ps.

Apil sa mga labing importanteng unod sa iyang SOPA ang bahin sa panglawas diin iyang gisulti ang kapin kon kulang 20,000 ka mga pasyente gikan Hulyo 2017 hangtud Hunyo 2018 nga natambalan diha sa upat ka mga hospital sa probinsiya nga libre kon wala gipabayad sa ilang  Hospital Bills sa rason nga sila kabus ug lisud ang kahimtang sa ilang pamuyo.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -