Oro Traffice Andam Na Sa Chinese New Year Celebration

by RPN
0 comment
Oro Traffice Andam Na Sa Chinese New Year Celebration

CAGAYAN DE ORO CITY — Ang Roads and Traffic Administration nangandam na alang sa Chinese New Year Celebration nga nagsugod dinhi sa syudad niadtong Biyernes, Pebrero 1. Karong adlawa Pebrero 4, ang mga kalihokan gihimo sa Bell Church sa barangay Macasandig diin usa ka fireworks display ang ipahigayon karong gabii.

Matud pa ni RTA Officer-in-charge Nonito Oclarit, adunay temporary nga pagsira sa mga dalan gikan sa dalan sa Rodelsa Circle paingon sa Bell church o ang South Road paingon sa Rodelsa Circle. Hinuon ugmang adlawa Pebrero 5, walay sirad-an nga dalan atol sa motorcade.

Ang ruta sa motorcade magsugod sa Rodelsa Circle area dayon moagi sa dalan Velez, Abejuela sa Divisoria liko sa Corrales Avenue paingon sa JR Borja ug Cogon Market. Tapos sa Cogon, moagi sa Osmeña dayon sa Recto, Marcos Bridge liko sa Corrales Avenue paingon sa JR Borja ug Cogon Market. Tapos sa Cogon, moagi sa Osmeña dayon recto, Marcos Bridge dayon left-turn sa Pelaez Blvd. Didto kini mobalik sa Rodelsa Circle paingon sa Bell Church.

Si Oclarit mipasalig nga ang RTA personnel magmaigmat ug alerto sa posible nga mga dili maayong insidente ilabi na kay bag-o pa nahinabo ang mga pagpamomba dinhi sa Mindanao.

Related Posts

Leave a Comment