Davao City – Nadakpan sa hiniusang pwersa sa Criminal Investigation and Detection Group Southern Mindanao Region inabagan sa Sta. Maria Municipal Police Station ang Number 3 Most Wanted Person sa Municipal Level.
Ang dinakpan giila nga si Ferlix S. Castro How, hamtong ang panuigon nga lumulupyo sa Poblacion Sta. Maria Davao Occidental human nga gisilbi ang Warrant of Arrest batuk kaniya.
Nasayran nga gipagula ni Hon. Judge Lope Calio sa Regional Trial Court Branch 33 Davao City nga pinetsahan ug April 19, 2017 gumikan sa duha ka kasong Lugos nga una nang gipagula usab ni Hon Magnolia Velez-Cayetano ang Presiding Judge sa Regional Trial Court Branch 20 sa Digos City.
Sa Kasamtangan nagpabilin nga gitanggong sa Sta. Maria Municipal Police Station ang dinakpan sanglit gipaabot pa ang sunod nga mando gikan sa Korte.