- Advertisement -
Bumagal ang pagtaas ng presyo ng bilihin at serbisyo nitong Nobyembre.
Batay sa datos ng Philippine Statistics Authority (PSA) anim (6.0) na porsyento lamang ang inflation rate ng Nobyembre, mas mababa sa 6.7 percent noong Setyembre at Oktubre.
Ayon kay National Statistician Grace Bersales, bumagal ang paggalaw ng presyo ng pagkain, non-alcoholic beverages, housing, tubig, ilaw, petrolyo at komunikasyon kaya’t bumaba ang inflation rate ng Nobyembre.
Sa National Capital Region, bumaba sa 5.6 percent ang inflation mula sa 6.1 percent samantalang nananatiling pinakamataas ang inflation rate sa Bicol Region na pumalo sa 8.9 percent.
—-
- Advertisement -