- Advertisement -
Handang-handa na ang North Luzon Expressway (NLEX) sa inaasahang pagdagsa ng mga uuwi sa kani-kanilang probinsya sa Norte simula mamayang tanghali.
Karamihan sa mga tanggapan ng pamahalaan at Local Government Unit (LGU) ay nagdeklara na ng half-day na pasok upang bigyang daan ang pag-uwi sa probinsya ng kanilang mga empleyado para sa Undas.
Ayon kay Robin Ignacio ng NLEX Traffic Management and Safety, Biyernes pa lamang ay handang-handa na sila para sa pagdagsa ng mga pasahero pauwi ng lalawigan.
Binuksan na aniya nila ang lahat ng toll lanes at nagdagdag na ng mga patrols para mag-assist sa mga motorista.
—-
- Advertisement -