Usa ka proporsal nga magmugna sa Anti-scam Task Force ang nagpaabot na lang sa approval ni City Mayor Oscar Moreno sa Cagayan de Oro aron mapatuman na tungod sa naghitak nga kaso sa mga scam ug fraud dinhi sa syudad.
Matud pa ni City Councilor George Goking, chairman sa Committee sa trade and commerce sa konseho ning dakbayan nga us aka prayoridad nila kini nga lakang tungod kay daghan na ang nabiktima niini nga tinonto.
Ang maong task force pagalangkoban ning mosunod Anti- Money Laundering Council, law enforcement agencies sama sa Criminal Investigation and Detection Group, National Bureau of Investigation, Cagayan de Oro City Police, Securities and Exchange Commission, Regulatory and Complaint Board, City Legal Office, City Treasurer’s Office u gang Bangko Sentral ng Pilipinas. Ang maong lakang nahimo tapos ang SEC Regional Director nga si Renato Egypto nag –awhag sa lokal nga kagamhanan sa pagpamuno sa kompanya batok sa mga scam.
Ang katuyuan niii mao ang pagpalig-on sa social awareness nga sa iingon dali ra nga matudlo ang mga mangingilad nga magpahigayon usab sa kadudahan nga mga seminar, sumala pa ni Konsehal Goking.