Mount Apo Temporaryong Isarado Sa Pobliko Karong Summer

by RPN
0 comment
Mount Apo Temporaryong Isarado Sa Pobliko Karong Summer

Davao City— Gikomperma sa Department of Environment and natural Resources- Protected Area Management Board nga temporaryong isarado una sa Pobliko ang Mount Apo karong panahon sa ting init kun Summer. Buot lamang malikayan sa ahensiya sa Kagamhanan nga malikay sa peligro nga subling masunog ang Bukirang bahin sa Mount Apo susama sa nahitabo niadtong tuig 2016.

Nasayran nga dili pa lamang dugay, nagkatagbong ang mga opisyales sa DENR Protected Area Management Board kauban ang Department of Tourism kinsa naghisgot sa nasinating kainit sa panahon gumikan sa El Nino Phenomenon.

Tungod niini, sarado una sa Pobliko ang palibot sa Mount Apo nga naglangkob sa Bansalan ug syudad sa Digos sa Davao del Sur ug syudad sa Kidapawan hinungdan gihangyo sa kagamhanan ang katawhan alang sa pagsabot sa nahisgutang kasabutan aron malikayan ang Forest Fire.

Nasayran nga posibleng mabutang sa alanganin ang Mount Apo kong way igong sumbanan sa pagsaka ang mga Hikers ug Treckers samtang dili usab malikayan nga dunay mga individual nga badlungon ug masinupakon sa balaud.

Sumala pa sa mga opisyal sa DENR nga isarado sa Pobliko ang Mount Apo karong bulan sa Mayo apan posibleng dagsaon sa mga Hikers ug Treckers lakip na ang mga torista ang lugar karong umaabot nga Semana Santa.

 

Related Posts

Leave a Comment