Nakadungpar iti dua a tao a dumaldalyasat ti dalan sadiay paset ti Brgy. 50, ciudad ti Laoag dagiti nakamotorsiklo a da Michael Tagalicud, uppat a pulo ket lima agnanaed sadiay Brgy. Vicente iti ili a Sarrat ken nagiturong ti motorsiklo kaduana ti lubbonna a ni Sheryl Baldonado, agtawen tallo pulo ket uppat ken agpada a residente ti nasao nga ili.
Nabigbig dagiti dua a dimmalyasat a da Brent Jhon Simpuego, tallo pulo ket maysa ken residente iti ili ti Paoay kenni Jefferson Ramos, agtawen met iti tallo pulo ket uppat ken agnanaed sadiay San Juan Ilocos Sur.
Basar iti imbestigasyon ti kameng dagiti PNP, kabayatan iti panagpalaud a direksyon dagiti nakamotorsiklo ket dita metten a kellaat a nadungparda dagiti biktima.
Naitaray dagiti biktima sadiay Governor Roque Ablan Senior Memorial Hospital gapuanan iti sugat ti nadumaduma a paset ti bagi da.