Gisusi sa Regulatory and Complaint Board o RCB ang mga hotels ug motels kagahapon atol sa pagsaulog sa Valentine’s Day. Tumong sa maong kampanya ang pagsiguro nga walay mga menor de edad nga makasulod.
Matud pa ni RCB Chairman Atty. Egay Uy nga ilang prayoridad nga makalikay nga ilang prayoridad nga makalikay ang mga menor de edad nga mabiktima sa child trafficking ug prostitusyon. Gani nabantayan nga walay separate logbook sa mga lodging houses alang sa mga menor de edad. Nasayran nga gihatagan na sa notice of violation ang mga patigayon nga wala makasunod sa ilang gabayan.
Sa pikas bahin, nasuta nga ang region 10 o Northern Mindanao anaa sa ikaduhang pwesto sa adunay pinakadaghang kaso sa teenage pregnancy. Matud ni Regional Director Jerry Gupit sa Population Commission 10 nga bag-ohay pa lamang milugwa sa survey sa National Demographic Health Survey nga ang rehiyon nakakuha sa 14.7% ang namabdos nga nagpanuigon sa 15-19 anyos. Kini nga record, ikaduha sa Davao nga adunay 17% sa maong sitwasyon sa nakalabay nga tuig.
Ang social media maoy gitumbok nga usa sa mga hinungdan pagdaghan sa teenage pregnancy sa nasud.