Gidayeg nga hapsay ug well-organized ang pagpahigayon karong tuiga sa Talent Competition alang sa Miss Cagayan de Oro 2019. Mao kini ang obserbasyon sa City Fiesta Executive Committee head Eileen San Juan tapos gihimo ang maong talent competition nga walay pagkalangan niadtong Sabado Hulyo 27, 2019.
Ang Talent Competition usa sa mga major parts sa Miss Cagayan de Oro search uban sa swimsuit competition nga himuon sa Agosto 3 sa Limketkai Luxe Hotel ug ang evening gown ipahigayon sa Agosto 17 sa SM CDO Downtown Premiere. Samtang ang Coronation Night ipahigayon sa Limketkai Atrium sa Agosto 24.
Napulog duha ka mga maanyag ang magtigi alang sa sunod nga mamahimong Miss Cagayan de Oro alayon sa kasaulugan sa kapistahan niini nga dakbayan diin kini nga kalihokan usa sa naglangkob sa himuong Higalaay Festival nga pormal nga ilusad sa Agosto 4.
Niadtong talent competition, gisugilon ni Ginang San Juan nga very powerful, natural ug lain-laing talent ang gipakita sa mga kandidata. Ang matag contestant niadtong higayona gihukman base sa klase sa ilang talent, style ug manner sa ilang presentasyon apil na sa audience impact ug quality.