Samtang ang panahon sa hulaw gilantaw nga moigo sa probinsya sa Misamis Oriental Sunod bulan, ang buhatan sa agrikultura nagsugod na sa pagpangandam alang sa posibleng worst case scenario nga mahinabo. Matud pa ni Apollo Pacamalan, ang namuno sa Provincial Agriculture Office nga ila nang gipangmonitor karon ang mga lungsod ug syudad nga bisan ang mga agricultural workers anaa na sa field aron sa pagsurvey sa entire probinsya.
Aduna nay mga food supplies nga ilang giandam usab kon adunay problema unya sa mga pamilya diin ang hulaw posibleng moigo sa mga bulan sa Marso ug Abril. Gidugang pa ni Pacamalan nga adunay moabot 500 ka mga sako sa binhi sa humay ug mais ang andam nang ipangdistribute sa higayon nga ready na ang planting season sa mga mag-uuma. Sa nasayran, nag-agad ang buhatan sa provincial agriculture sa Pagasa alang sa pag-update sa lakat sa panahon tungod kay sa miaging report sa Pag-asa, makasinati sa below normal, sa temperature ang Misamis Oriental ilabi na ang lungsod sa Medina ug ubang bahin sa weste nga parte niini.