Aprobado na sa National Economic Development Authority (NEDA) ang Opol-Naawan Expressway nga phase 2 sa District 2 sa Misamis Oriental. Mao kini ang gikompirmar ni Dr. Jojo Bascug, ang Provincial Planning Development Officer. Kon madumduman, una nang giaprobahan ang Villanueva, Opol expressway. Ang maong proyekto, usa sa pinakadako nga infrastructure project nga gisugyot sa DPWH-Northern Mindanao alang sa probinsya nga kabahin sa Build, Build, Build Program ni President Rodrigo Duterte.
Gipasabot ni Bascug nga tapos sa maong approval iendorso gilayon kini sa fuel council ug himuan gilayon sa feasibility study aron mapangitaan sa pundo.
Niini nga kalambuan, labihan ang kalipay ni Gobernador Bambi Emano nga diin kini gilantaw nga dako kaayog tabang sa kalambuan sa probinsya 10 ka tuig gikan karon.