29.5 C
Manila
Friday, March 29, 2024

MGA SAKOP SA CEBU CITY COUNCIL PABILING NAGKABANGI LABOT SA ISYU SA MGA CONSULTANTS

- Advertisement -

Gipaabot nga mahitabo ang mainit nga lantugi tali sa mga sakop sa konseho sa dakbayan sa Sugbo atol sa regular session sa konseho karong adlawa December 4, 2018 tungod sa isyu labot sa pag-hire sa ug sa pag-renew sa mga serbisyo sa mga consul;tants  alang sa Sangguniang Panlunsod.

 

Ang Vice Mayor’s Office pabiling nagdumili pagduso sa tanang dokumento labot sa pag-hire sa tanang mga consultants nga alang sa mga sakop sa konseho. Niadtong nakalabahy nga regular session sa Nobyembre 27, 2018, pormal nga giawhag ni Cebu City Councilor Sesinio Andales ang buhatan sa Bise Mayor pagduso ngadto sa konseho sa tanang mga dokumento nga may kalabutan ang pag-hire sa mga consultants.

 

Matud ni Andales kinsa sakop sa administration bloc sa konseho, dili gyud maki-angayon alang sa hingtungdang mga consultants nga langay-langayon ang nahisgutang  mga dokumento. Apan ang mga konsehal nga sakop sa opposition bloc mipasabot nga kalapasan sa ilang house rules nga aprobahan dayon ang pag-hire  ug pag-renew sa mga consultants. 

 

Si Cebu City Councilor Raymond Alvin Garcia sa opposition bloc, nagkanayon nga dili mahimong aprubahan sa konseho ang pag-hire ug pag-renew sa mga consultants kon walay pagtugot gikan sa Bids and Awards Committee (BAC). Subay sa lagda nga gisagop sa Cebu City council gikinahanglan nga adunay resolution ang Bids and Awards Committee labot sa pag-hire ug  pag-renew sa serbisyo sa mga consultants.

 

Sa iyang bahin malaumon si Cebu City Vice Mayor Edgardo Labella nga mahilot ra gihapon ang isyu bahin sa pag-hire sa mga consultants alang sa Sangguniang Panlunsod.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -