MGA OPISYALES SA SARANGANI PROVINCE NAKIGDUYOG SA EID’L FITR

by RPN News
0 comment
MGA OPISYALES SA SARANGANI PROVINCE NAKIGDUYOG SA EID’L FITR

SARANGANI PROVINCE– Nakigduyog karon ang mga opisyales sa probinsya sa Sarangani sa tibuok Muslim nga katilingban sa ilang kasaulugan sa Eid’l Fitr kon paghinapos sa balaang bulan sa Ramadan. Segun ni Governor Steve Chiongbian Solon, nahimong modelo na karon ang Sarangani Province sa entiro Pilipinas sa kalinaw og kalambuan tungod sa maayong estado sa Moro community sa iyang probinsya.

Una nang nakadayig ang mga kaigsoonang Muslim ngadto sa Sulong Kapayapaan program tungod sa malampuson nga pagpahigayon og Provincial Grand Iftar.

Napuno sa libuan ka mga Muslim brothers and sisters, Islamic scholars, og mga community elders and leaders ang Capitol Gymnasium dili lang mga taga-Sarangani kundili anaa puy taga-Gensan, South Cotabato, Sultan Kudarat, Maguindanao og Cotabato City, aron tambungan ang maong magarbuhon nga Provincial Grand Iftar nga gipangandaman matag tuig pinaagi sa gimugna ni Governor Solon nga Governor’s Commission on Muslim Affairs, kaabag ang PROGSARMEA kon Provincial Government of Sarangani Muslim Employees Association, Madaris/Kalinaw team, National Commission on Muslim Filipinos, OPAPP, Bangsamoro Transition Commission, og mga partner Muslim foundations/networks.

“Iftar” sa pinulungang Arabic nagpasabot nga “breaking of the fast,” pagsalo-salo sa sayong panihapon human sa usa ka adlaw nga pag-fasting. Matag tuig kining gina-organisa ni Governor Solon sa mga adlaw nga hapit na mahuman ang Ramadan, sa pagsuporta nila Senador Manny og Congressman Ruel Pacquiao, Vice Governor Elmer De Peralta, mga board member og mga mayores.

(Photos courtesy: Jake Narte, PGO-PIO Sarangani)

Related Posts

Leave a Comment