Isa ka aksidente sa karsada an nahitabo tali sa duha ka motorsiklo sa may alas 2:30 an takna sa buntag kagahapon Abril 29, 2019 sa may dayang Borromeo, Brgy. Taft Surigao City atubangan nan Surigao City Police Station.
Basi sa imbestigasyon, isa ka itom na motostar na motorsiklo na may temporaryong plate number na 1501-012945 na tag-maneho ni Wilfredo Elumba, 29 anyos, ulitawo, residente nan Purok-3, Brgy. Togbongon ciiudad nan Surigao na way sukbot na helmet sanan wayay nahipakita na certificate of registration sanan O.R. sakay nan ini na back rider nga si John Benedict Estrada, 28 anyos, estudyante, residente nan Brgy. Taft ciudad nan Surigao.
Sa obserbasyon, pareho an inin driver sanan back rider ubos sa impluwensya nan ilimbong makahubog na pasingod sa pier na direksyon, samtang an nabanggaan na motorsiklo gikan sa pikas na bahin nan dayan Borromeo atbang nan buhatan sa Surigao City Police Station na mopawaya unta pasingod sa pier na direksyon, pero sa ija pag-maniobra, nabangga sija nan inin motorstar motorcycle, hinungdan na pareho nangatumba sa kongkreto na pavement sanan naka-angkon nan mga pangos.
Nadaya sila pareho sa Caraga Regional Hospital samtang an duha ka motor impounded kuman sa Surigao City Police Station.