Mga Kapitan sa CDO gibaharan sa PDEA-10

by RPN News
0 comment
Mga Kapitan sa CDO gibaharan sa PDEA-10

CAGAYAN DE ORO CITY – Gibaharan sa Philippine Drug Enforcement Agency o PDEA-10 ang mga barangay kapitan nga dili motabang pagsumpo sa illegal nga druga dinhi sa syudad.
Gibutyag sa PDEA-10 Regional Director Wilkins Villanueva nga ilang hatagan sa walo ka bulan aron sugdan sa mga barangay chairman sa pagpatuman sa community-based drugs rehabilitation. Matud pa ni Villanueva, manubag ang barangay official nga nagpasagad sa ilang trabaho.
Dinhi sa rehiyon 10, adunay duha ka syudad nga gitumbok sa PDEA-10 nga pinakaluya sa paggukod sa nalambigit sa illegal nga druga. Kini ang syudad sa Iligan ug Cagayande Oro nga alang kang Director Villanueva, minus kaayo ang performance.
Ang dili maayong performance gibasol sa PDEA sa mga opisyal sa barangay nga wala magbali-bali niini nga kampanya sama sa lamang sa Barangay Bugo niining dakbayan diin nahitabo ang pagraid sa duha ka drugden sa miaging gabii, sumala pa ni Villanueva.

Related Posts

Leave a Comment