Mga Botante, Dili Na Madasigon Karong Eleksyon

by RPN
0 comment
Mga Botante, Dili Na Madasigon Karong Eleksyon

GENERAL SANTOS CITY- Migawas karon sa obserbasyon ni ni MSU professor Mario Aguja nga dili na enthustiastic o madasigon ang mga botante partikular na sa mga kabatan-unan.

Gibutyag ni Aguja nga sa panahon karon, daghan na ang kalingawan sa mga kabataan hinungdan nga dili na sila madasigon nga mopartisipar sa pulitika.

Dugang niini nga sukwahi ra kaniadto nga gukdon pa ang mga kandidato aron makakuha og leaflets apan karon, bisan kon may campaign rally, halos wala nay moadto kung dili panghakuton.

Tungod sa maong kausaban sa mga botante, ang mga kandidato na ang moadjust hinungdan nga gamiton na lang nila ang ilang kwarta aron makakuha og boto.

Apan luyo niini, dako ang pagtuo ni Aguja nga makatabang ang media sa pagpalapnag sa kaayohan sa pagboto tungod kay katungod kini sa matag usa.

Kinahanglan matud pa nga dili mawala ang paglaom alang sa gihandum nga kabag-ohan sa atong komunidad.

Related Posts

Leave a Comment