Kagahapon Marso 12, 2019 nag-malampusong natigayon ang unang pag-selebrar sa Brgy. San Juan sa National Women’s Month nga gipahigayon sa ilang covered court diin kini gi-partisiparan sa gibana-banang 200 kapin nga mga indibidwal nga gikan sa mga purok chairman, BHW’s, Lupon, 4p’s members, daycare workers, mga mag-tutudlo.
Ang maong aktibidad inabagan sa pag-suporta sa konseho sa LGU sa nasangpit sa barangay diin sa pag-bukas ug pag abi-abi nga mensahe ni Kapitan Susan Galinea iyang gisaysay ang kalainan sa kahimtang ug katungod sa kababayen-an sa atong sociedad ug katilingban ug ka-importante sa magna carta for women nga tungod niini nahatagan sa kabug-aton ang papel sa mga babaye sa kalambuan sa ciudad ug probinsiya ngadto na sa tibuok kapupud-an.
Anaa usab ang presensya ni Board Member Melva Garcia, chairperson sa Committee on Cooperative nga maoy mihatag sa pag-sabot sa ka-importansya sa kooperatiba. Gipasabot usab ng OIC sa Provincial Women’s Center nga si Ms. Florian Tan Trinidad ang ka-importante sa papel sa mga kababayen-an sa komunidad. Anaa usab ang mga opisyales sa Surigao Midtown Jewels sa pag-panguna sa presidente nga si Ms. Gaysel Yuipco nga mipasabot sa ka-importante sa health and wellness sa kababayen-an, gihishutan usab ni Ms. Heldreith Manatad ang kabahin na sa financial literacy.