Davao City- Pormal nang gilagdaan saDepartment of Education ug Lokal nga Kagamhanan sa dakbayan sa Davao ang usa ka Memorandom of Agreement alang sa umaabot nga 2019 Palarong Pambansa nga ipahigayon nganhi sa syudad sa Davao. Milagda sa MOA sila ni Department of Education Secretary Leonor Briones ug Davao City Mayor Inday Sara Duterte.
Ang Palarong Pambansa karong tuiga nagdala sa tema nga “Shaping the Future through Sports” nga sugdan karong umaabot nga Abril 27 ug matapos sa Mayo 4 ning tuiga nga dunay duha ka managlahing tema sa dula nga naglangkob sa Larong Pinoy ug Sports Heroes Day.
Ang Larong Pinoy mao ang mas naila nga Philippine Indigenous Game nga nagtumong sa pagpalig-on ug pagbuhi sa mga Tradisyunal nga dulang Pinoy sama sa Kadang- Kadangm Patintero, Hilahang Lubid ug Karera ng Sako.
Ang nahisgutang mga dula pagadumalahan sa Dep-Ed Executive Committee members, Department of Education Sports Officials, LGU ingon man mga Representanti ug mga sports Icons. Niining higayuna makabaton usab ug kahigayunan ang mga batan-ong atleta nga makadula usab ang ilahang mga sports Idol pinaagi sa Sports Hereos Day.
Kahinumduman nga una pa man gipermahan ang Memorandom of Agreement, una nang mipadayag sa ilang kagustuhan nga mag Host sa Palarong Pambansa ang Zamboanga del Sur ug Misamis Occidental.
Gilauman nga dul- an sa kapin 20 mil ka mga delegado ang moapil sa Palarong Pambansa karong tuiga hinungdan nga giandam na usab sa Lokal nga Kagamhanan ang kapin usab sa 2mil ka mga security personnel alang sa pagsiguro sa seguridad sa mga atleta ug mga ginikanan lakip na ang mga imbitadong mga bisita.