Top Deplomat Sa Japan Nakigkita Ni Presidente Duterte Sa Davao City
February 11, 2019
Kahong naglalaman ng cocaine narekober sa karagatan ng Cam Norte
February 11, 2019
Show all

DXKT Davao
Mayor Sara Subling Nagpahimangno Sa Pobliko Bahin Sa KAPA

Davao City –   Subling gipahimangnuan ni Davao City Mayor Sara Duterte-Carpio ang katawhan sa syudad bahin sa gibaniog nga financial institution nga nagpasalig ug 30 porsientong tubo sa kwarta.

Gihimong basehan sa Mayor ang gipagula usab nga pahimangno gikan sa Securities and Exchange Commission (SEC) nga pinetsahan ug Oktobre 3, 2018 labot sa Kapa (Kabus Padatuon) Community Ministry International, Inc., nga gipangulohan ni Pastor Joel Apolinario. Ang grupo unang migula didto sa Bislig City, Surigao del Sur.

“I suggest for the public to read the advisory because there was an explanation by the Securities and Exchange Commission (SEC) about the activities of KAPA – Kabus Padatuon, and then they should take care of their investments,” Pahayag ni Mayor Sara atol sa pakighinabi kaniya niadtong Biernes.

Giingon ni Mayor Sara nga ang maong scam di na bag-o sa siyudad sa Davao diin niadto naa sab nahitabo nga usa ka pyramiding scheme. Sa kabahin sa KAPA, ang SEC nagsulti nga wala kini ma-register sa Commission isip usa ka corporation ug partnership.

Ang grupo walay primary license butang nga di sila otorisado mohimo og soliciting investments, nga maoy usa sa mga secondary licenses nga anaa ubos sa Section 8.1 sa Securities Regulation Code (SRC).

“Ang amoa lang is gi-amplify namo ang SEC advisory sa katawhan and then ang tawo na ang mo-decide based on the SEC advisory kung unsa ang ilahang decision with regards to their investments ug kuwarta,” dugang ni Mayor Sara.

Sa kasamtangan sa Davao City, wala naka-record ang Anti-Scam Unit nga dunay mireklamo nga biktima sa KAPA. Gidugang ni Mayor Sara nga napahibalo na sab ang pipila ka mga local governments sa Davao region labot niini nga grupo aron ilang mapahibalo sa ilang katawhan.

“I’d like to inform everyone that I am not connected, I do not participate. I do not know KAPA or the owner of KAPA,” dugang pahayag sa Mayor.

RPN
RPN

Leave a Reply

Your email address will not be published. Required fields are marked *