Mayor Sa Usa Ka Siyudad Sa Sugbo Nag-Atubang Og  Mga Sumbong Sa Visayas Ombudsman

Mayor Sa Usa Ka Siyudad Sa Sugbo Nag-Atubang Og Mga Sumbong Sa Visayas Ombudsman

by RPN
170 views

Gisugdan na karon sa buhatan sa Office of the Ombudsman- Visayas ang imbestigasiyon batok kang Mandaue City Mayor Gabriel Luis “Luigi” Quisumbing kinsa nag-atubang sa mga kasong kriminal ug administratiba. Ang nahisgutang mga kaso adunay kalambigitan sa giingong illegal re-assignment and transfer sa usa ka social worker.

Usa ka Michael Allan Pielago, 44 anyos, Persons With Disability (PWD) staff ang misang-at sa maong mga kaso batok ni Quisumbing. Matud ni Pielago gibalhin siya ngadto sa Housing and Development Office (HUDO) ug naglisod na siya sa paghimo sa iyang naandan nga gimbuhaton gumikan sa problema niya sa iyang lawas.

Gireklamo ni Pielago si Mayor Quisumbing ngadto sa Visayas Anti-Graft Office gumikan sa kalapasan sa Republic Act 3019 (Anti-Graft and Corrupt Practices Act) ug usab kalapasan sa Republic Act 7277 ang naila nga Magna Carta for Disabled Persons.

Nagsugod si Pielago pag-alagad sa Mandaue City Hall isip Social Welfare Officer III sa City Social Welfare Services Office (CSWSO) niadtong Septiembre 2014 human siya gitudlo sa maong pwesto ni kanhi Mandaue City Mayor ug karon Kongresista Jonas Cortes.

Samtang gimando ni Deputy Ombudsman for the Visayas Paul Elmer Clemente ngadto sa nahisgutang complainant pagduso ngadto sa ilang buhatan sa Certified True Copies sa mga dokumento nga maoy iyang gisukip isip mga ebidensiya sa kaso batok ni Mayor Quisumbing.

0 comment

Related Posts