Sa gipagula mga pamahayag ni Mayor Oscar Moreno sa Cagayan de Oro, buot niyang pahimutangan sa Military detachment ang barangay Pigsag-an tapos nahitabo sa miaging semana ang panag-engkwentro tali sa tropa sa gobierno ug sa mga rebeldeng New People’s Army.
Matud pa sa Mayor mismo ang chairman sa Pigsag-an nga barangay ang mismong mibisita kaniya ug naghangyo alang sa military detachment sa maong dapit. Sa iyang kabahin gisugilon ni Brigadier General Edgardo de Leon, commander sa 403rd Army Brigade nga mahimo nilang butangan sa detachment ang area kon kini i-request sa barangay. Apan gipasabot niini nga ang maong lugar nagpabiling malinawon ug mitin-aw nga ang maong panag-engkwentro nahitabo sa usa ka ngiaw nga dapit, way nanimuyo ug layo ra sa sentrong bahin. Giklaro usab ni de Leon nga way kampo sa NPA sa Pigsag-an.
Kahinumduman nga niadtong Hulyo 30 anga mga tropa sa 65th Infantry Battalion sa 9th Infantry Division mirespondi sa report sa mga residente sa Pigsag-an nga adunay armadong mga tawo nga nangikil nilag salapi ug uban pang illegal nga kalihokan sa maong lugar. Sa 20 ka mga NPA rebels ug maoy nagtukmod sa pagkadiskobre sa giingong NPA hideout sa usa ka uninhabited area sa nahisgutang barangay.