Davao City – Pormal na nga miduso sa iyang Certificate of Candidacy sa Commission on Elelction si Davao City Mayor Inday Sara Zimmerman Duterte- Carpio kinsa subli nga magpapili isip Mayor sa syudad. Kauban sa mayor nga miadto sa Comelec ang iyang Bana nga si Atty. Manases Carpio ingon man ang mga kandidato sa nagkalain- laing posisyon sa lokal nga Kagamhanan.
Niadtong nakalabayng mga adlaw, una nang misumiter sa iyang Certificate of Candidacy si Kanhi Vice Mayor Paolo “Pulong” Duterte kinsa magpapili isip kongresista sa unang distrito ning syudad. Nasayran gikan sa Comelec kagahapong adlawa nga ubay ubay na ka mga kandidato ang nakasumiter na sa ilang COC. Hinuon sumala sa Comelec nga bugtong Bise Mayor pa lamang sa syudad ang posisyon nga wala pay kandidato nga mi file ug COC.
Una nang naghimo ug Signature Campaign ang Hugpong Federal Movement kinsa nag- awhag ni kanhi Association of Barangay Captain January Duterte nga modagan pagka-Bise Mayor sa syudad, apan sumala pa ni Kapitan Wating Usman nga ugaling dili modagan si January, ang bayaw na lamang niining nga si Baste Duterte na lamang ang ilang padaganon isip Bise Mayor sa syudad.