Nagmabulokong natigayon ang usa ka mass wedding nga gipahigayon niadtong adlawng Sabado, Disyembre 29 tuig 2018. Mikabat sa 60 ka paresan nga mga mag-tiayon ang mga nag-pakadawat sa sacramento sa ka-minyoon pinaagi na ni Fr. Toto Tiu ang kora paroko sa Surigao City Cathedral ug ang reception niini gipahigayon didto sa City Auditorium.
Ang maong kasalan nagmalampuson pinaagi sa plano, pag-giya ni Fr. Toto Tiu ug ang pag-tabang gayud sa Rico Arpilleda Events and Wedding Planning ug labaw sa tanan si Mrs. Lydia Ga uban sa iyang bana nga si Kag. Rosendo Ga nga diin ang maong programa ika-10 na kini nga tuig gipahigayon.
Anaa usab ang presensya ni Board Member Geed Gokiangkee ug Kapitan Susan Galinea. Gisaysay ni Mrs. Lydia Ga, ang tag-iya sa Roslyd Catering Services, nga maoy halos mi-dupa sa galastuhan ilabi na sa pagkaon sa mga kinasal, kini inubanan sa uban pang mga sponsors nga matud pa napulo na katuig kini nga iyang programa.
