Manila Mayor Estrada sinuspindi ang pasok sa mga paaralan at tanggapan sa Maynila sa Martes   

Sinuspindi ni Manila Mayor Erap Estrada ang lahat ng pasok sa mga paaralan sa Maynila maging sa mga tanggapan ng gobyerno sa Martes, Nobyembre 20.

Ito’y dahil sa nakatakdang pagbisita ni Chinese President Xi Jinping sa nasabing araw.

Kabilang sa itinerary ni Xi ay pagtungo sa Maynila upang bisitahin si Pangulong Rodrigo Duterte sa Malakanyang at pagdalo sa isang seremonya sa Luneta Park.

Ipinabatid din ni Estrada na inirekomenda rin ng Manila Police District (MPD) ang nasabing suspensyon ng klase at trabaho sa mga tanggapan ng gobyerno.