Opisyal nang gibuksan sa hingpit ang Malasakit Center nga nag-sentro ug nag-tutok sa kaayohan sa panglawas sa mga Pilipino diin usa kini nga proyekto ni Pres. Rodrigo Duterte nga anaa nahimutang sa 5th floor sa Caraga Regional Hospital. Ang maong pag-bukas gitambungan sa mga doctor, nurses ug staff sa maong hospital, mga kadagkuan sa DSWD, PhilHealth, PCSO ug uban pang ahensiya.
Anaa usab ang presesiya ni Dr. Jose Llacuna Jr., an Regional Director sa DOH Caraga uban sa pinasidunggang dinapit nga si Michael Lloyd Lee Dino, ang Presidential Assistant for the Visayas ug ang head sa Malasakit Center roll out nationwide.
Gisaysay ni Mr. Dino nga ang Malasakit Center mao ang usa ka one-stop-shop sa mga medical financial aspect ug anaa kini budget nga 5 million pesos matag-bulan ngadto sa mga center gikan sa national aron na sa mas daghan matabangan.