- Advertisement -
Hindi magpapalabas ng executive order ang Malakanyang para muling buhayin ang ROTC o Reserve Officer’s Training Corps program sa mga estudyante sa senior high school.
Paglilinaw ni Presidential Spokesman Salvador Panelo, ang kongreso ang siyang dapat na kumilos para sa maemyendahan ang Republic Act Number 7077 o ang Citizen Armed Forces of the Philippines Reservist Act o ang NSTP o National Service Training Program Act.
Kumpiyansa si Panelo na kumikilos na ang kanilang mga kaalyado sa kongreso para gawing posible ang pagbabalik ng ROTC.
Matatandaang plano ng Pangulong Rodrigo Duterte na ipabalik ang ROTC upang maturuan umano mga kabataan ng pagiging makabayan.
- Advertisement -