Mahigit 30 patay sa paghagupit ng bagyo sa Africa

Mahigit 30 na ang patay habang nasa isa punto kalahating milyong katao na ang apektado ng flashfloods at landslides dulot ng cyclone Idai sa Zimbabwe, Mozambique at Malawi.

Ayon sa United Nations, tinatayang 100 katao naman ang nawawala matapos tangayin ng baha at matabunan ng lupa.

Kabilang sa mga nawasak o napinsala ang maraming kabahayan, paaralan, ospital, business establishment maging ang ilang police station.

Puspusan na ang rescue at relief operations ng armed forces ng tatlong bansa.