Mag-inahan patay sa sakit nga dengue sa MisOr

CAGAYAN DE ORO CITY – Nakabsan sa kinabuhi ang mag-inahan human matakbuyi sa sakit nga dengue sa probinsya sa Misamis Oriental. Kini base sa resulta nga gikuha sa medical exam sa biktima nga nailhang si Marlyn Paid Salinay, 26 anyos ug residente sa Gingoog sa MisOr. Matud sa inahan sa biktima nga gabalik balik ang hilanat sa iyang anak. Tungod niini napugos sila pagdala sa Northern Mindanao Medical Center sa biktima tungod sa grabeng pagkurog-kurog sa iyang anak. Apil sa namatay mao ang gisabak sa biktima nga naan a sa upat ka bulan niyang gidala sa dihang nakabsan siya sa kinabuhi.