Ang mga mag-uuma ug kapunungan sa mga lumad sa Northern Mindanao nawad-an na sap ag-laum nga kahatagan pa sa gobierno ug aksyon ang ilang mga pangamuyo samtang nagkahugpong sila aron sa pagpanawagan sa Duterte administration nga hunungon na ang pagpatuman sa Martial Law sa isla.
Moabot sa Lima ka libong agricultural workers, lumad groups, human rights advocates ug uban pang progressive organizations nagmartsa sa kadalanan sa Cagayan de Oro aron ipanawagan ang pagpaundang na sa Martial Law.
Gawas sa demonstrasyon sa grupo nga gipahigayon niadtong Martes, ang maong grupo nihimo na sa ilang picket rallies sa gawas sa upat ka Regional Offices nga mao ang Department of Environment and Natural Resources (DENR), Department of Agriculture (DA), Department of Agrarian Reform (DAR) ug sa National Commission on Indigenous Peoples o NCIP.
Matud pa ni Datu Jomorito Goaynon, Chairman sa Regional lumad group kalumbay nga ang mga opisyal sa nasangpit nga mga ahensya mihimo hinuon kanila sa dialogue gawas lamang sa NCIP nga gibalewala lamang siya.
Ang mga progressive groups misunog dayon sa effigy ni Duterte nga ilang gitawag nga “Duter-de-Gera” nga alang kanila nagsimbolo sa administrasyon ni Duterte nga walay pagtahod sa human rights ug ang iyang all-out war nga nagbiktima sa mga inosenteng civilian, matud pa dinhi sa Mindanao.