Nahimong malampuson ang pagpahigayon sa Local Governance Report 2010-2019 ni Surigao City Mayor Ernesto Matugas na didto sa Surigao City auditorium taghimo. Adesir an report ni Mayor Matugas, nagpabati nan opening remarks si Atty. Jerry Centro, an City Administrator na nagpasabot sa ka-importante sa local governance report nan punong-ehekutibo. Tag isa-isa ni Mayor Matugas an mga naabot nan ija administrasyon sugod sa unang termino nan jadton tuig 2010 hangtod sa kuman na tuig na hinapos sa ija ika-tuyo na termino. Tag-bandera ni Mayor Matugas an paghidangat sa ciudad nan National Bureau of Investigation sanan Philippine Statistics Authority nga naghatag ka-sajon sa katawhan sa pag-proseso nan mga papeles sama sa birth certificates sanan NBI clearance.
Nu-atendir sa kalihukan si kanhi Governor Atty. Francisco Matugas, pipila ka mga incumbent City Councilor, mga kaalyado sa politika, mga kapitan nan kabarangayan sakop ning ciudad nan Surigao, mga representante nan mga nagkalain-lain nga national line agencies, pribadong sektor, mga personahe nan Philippine Army, PNP-BJMP, Bureau of Fire Protection sanan iban pa.