Laing Investment Operator Nahanaw, Kantidad Sa 500 Milyones Pesos Gitangag

by RPN
0 comment
Laing Investment Operator Nahanaw, Kantidad Sa 500 Milyones Pesos Gitangag

Davao City –  Gatusan ka mga Individual Investors sa Titan 29 Marketing ang midagsa sa buhatan sa Tagum City Police Office niadtong nakalabayng Domingo kini human nga wala na mipatim-aw pa ang Chief Executive Officer sa nahisgutang kompanya diin gitangag niini ang mokabat sa Kinyentos Milyones pesos (500 Milyon).

Sumala pa ni Police Colonel Ferlu Silvio, Davao del Norte police provincial director nga sagad sa mga mireklamo sa buhatan nagbutang sa ilang puhunan sa kantidad 20 mil pesos ngadtu sa 2.5 Milyones pesos gumikan sa saad nga Double your Money sulod lamang sa pito ka adlaw.

Pinasubay sa inisyal nga imbistigasyon, usa ka Ryan Maunes ang Founder sa nahisgutang Investment Scheme kinsa dili na makontak sa mga investor lakip na usab ang mga nagkadaiyang Agents ug Coordinators sa kompanya.

Kahinumduman nga niadtong nakalabayng Hunyo 10 ning tuiga, kalit na lamang nanirado human nga naghimo ug pagronda ang National Bureau of Investigation kun NBI sa mga buhatan sa KAPA Community Ministry International Incorporated.

Sumala pa ni Silvio nga pinasubay sa mga mireklamo, dul-an sa kapin kun kulang sa Kinyentos Milyones pesos ang natangag sa Founder sa Titan 29 Marketing hinungdan sa kabalaka sa mga investor. Hinuon gikan sa gatusan ka mga midagsa sa Tagum City Police Office, 13 lamang kanila ang pormal nga mihatag sa ilahang Affidavit alang sa pormal nga pagpasang-at ug kasong Syndicated Estafa sa Kapolisan.

Kahinumduman usab nga gitangag usab ni Kennerth Paz Naga sang Chief Executive Officer sa Questlink Digital Marketing Services ang kapin kun kulang sa 200 Milyones pesos nga investment sa mga individual sa dakbayan sa Tagum. Ang Questlink Digital Marketing misaad usab sa mga investor ug 500 porsientong tubo sa ilang mga puhunan sulod lamang sa 15 ka adlaw.

Related Posts

Leave a Comment