Davao City: Sugdan ug paningkamotang mahuman sa tuig 2018 ang laing 23 ka mga Infra Structure Projects nga maoy nasabotan sa usa ka adlawng Pre-Construction Conference nga gidumala ni Gov. Jayvee Tyron Uy pinaagi nila ni Assistant Provincial Administrator Placido Alcomendras Jr. ug PEO Chief Engr. Rhoderick Digamon.
Ang bag-o nahumang Pre-Construction Conference nahitabo niadtong Oktobre 25, 2018 diha sa Governors’ Conference Room sa kapitolyo ug mitambong niini ang mga Contractor, Project Engineers sa Provincial Engineering Office (PEO), ang mga Barangay Officials, mga dagkong opisyal sa mga munisipyo, mga magtutudlo, Tribal Leaders, ug pipila sa mga importanteng personalidad nga dakog matabang aron daling mahuman ang mga proyekto.
Sa buntag ang mga Contructor nga mitambong mao ang Three Builders Inc. nga maoy motrabaho sa P16.36 Milyones nga Detention Cell Bldg. sa Nabunturan; ang Davao Santhony Builders Corp. nga maoy motrabaho sa duha ka mga Tribal Hall sa Maco-P957,555.18 ug sa Compostela-P957,555.18; ug ang Ravelo Construction and Supply nga maoy motrabaho pagtiwas sa Lagab ES Social Hall-P1 Million, sa Gabi ES Covered Court-P646,589.27, sa Bagong Silang NHS Gym-P2.5 Milyones, ug Mapawa NHS Gym-P2.5 Milyones.
Sa hapon ang contractor nga miapil sa bag-o nahumang Pre-Construction Conference mao ang LLM Unified Builders Trading Corporation nga maoy motrabaho sa 17 ka mga proyekto nga ang kantidad sa kinatibuk-an moabot og P18.77 Milyones.
Parte sa quality assurance initiative nga gipatuman ni Gov. Tyron Uy sa Comval ang pagpahigayon og Pre-Construction Conference sa dili pa sugdan pagtrabaho ang nagkadaiyang mga proyekto diin panahon niini hangyoon sa probinsiya ang Community nga tabangan ang mga Contractor aron dili sila maglisud panahon sa Construction.