Sa niaging 114 nga session sa Sangguniang Panlungsod, gi-duso ug ge-presentar sa Ladlad Caraga Inc., ang mahitungod sa anti-discrimination ordinance alang kanilang mga LGBTIQ diin ang tumong ug toyo niini mao nga ang respetuhon sila ug e-balanse ang pag-tagad kanila sama sa ubang tawo ilabi na diri sa dakbayan sa Surigao.
Kini gi-presentar sa Chairperson ug Chief Executive sa Ladlad Caraga Inc., nga si Isagani Bacasmas Jr. nga na-ilang si “Isang” kini human nakadawat sa usa ka mensahe si Councilor Rise Faith Recabo, ang Chairman sa Committee on Women and Family, gikan sa nasangpit nga opisyal sa ladlad mahitungod sa request niini nga boot mo-pasa sa nasangpit nga ordinansa alang ning atong dakbayan nga una kinig na-aprubahan didto sa dakbayan sa Butuan ug sa mga probinsya sa Agusan Del Norte ug Dinagat.
Naghinaut ang maong grupo nga ma-aprubahan ang ilang ge-hangyo nga ordinansa. Sa dihang gipangutana sila ni Vice Mayor Casurra kung unsay tumong ug toyo niini ug unsay basihan nganong boot nilang himuan kini ug ordinansa, gi usa-usa pag-pasabot ni Isang ang mga rasones diin hugot usab nga gisuportahan ni Councilor Janree Gonzales.
Human gi-presenta sa Chairperson ug Chief Executive officer sa Ladlad Caraga Inc. Isagani Semasio Bacasmas Jr. ang mahitungod sa hangyo niinig aprubahan ang anti-discrimination ordinace alang ning dakbayan sa toyong respetuhon ang mga LGBT, gipakita ni Councilor Rise Faith Recabo ang adbosakiya sa nasangpit nga grupo ug matud pa sa nasangpit nga konsehal nga unta kitang tanan “open minded” sa kahimtang sa mga LGBT ug andam unta musabot sa ilang mga kahimtang sa ilang pagka-sila. Dugang pa na usa kini ka adbokasiya usab sa Gender And Development (GAD) sa ciudad nga balanse ang pag-tagad ug respeto sa katawhan sa nasangpit nga grupo.