Ang Komite sa Police and public safety sa konseho sa syudad sa Cagayan de Oro moimbestigar sa kutay sa narcotics operations- related killings sa dakbayan. Kini ang gisugilon ni Konsehal Romeo Calizo tapos siya miingon nga ang police officers nga nalambigit sa maong operasyon ang angay nga pangutan-on sa detalye ug explinasyon ngano nga ang mga tao mamatay atol sa buy and bust operations.
Usa ka opisyal sa Campo Alagar nagbutyag nga moabot sa 110 ka mga drug suspects ang namatay sa entire rehiyon 10 isip resulta sa pagpakgang sa kapolisan batok sa illegal nga druga. Matud pa ni Supt. Surki Sereñas, ang spokesperson sa Campo Alagar nga tanang officers nga nahiapil sa buy ang bust operations nga miresulta sa shooting deaths ang gipaubos karon sa imbestigayon ug possible nga mapahamtangan sa administrative cases.
Gidugang pa ni Sereñas nga ang Internal Affairs Service sa Camp Alagar ang gitahasan karon sa pagpahigayon sa imbestigasyon aron pagdetermina kon ana ba o walay pwersa ug ang nahitabong shooting deaths mahimo bang majustify.
Si Sereñas mao ang unang nagbutyag nga moabot na sa 110 ang patay nga resulta sa police operations batok sa illegal drug trade.