Kinhason Sa Balite Bay Sa Mati City Ug Katubigan Sa Sta. Maria Davao Occidental Kontaminado Sa Red Tide Sumala Sa BFAR

by RPN
0 comment
Kinhason Sa Balite Bay Sa Mati City Ug Katubigan Sa Sta. Maria Davao Occidental Kontaminado Sa Red Tide Sumala  Sa BFAR

Davao City- Gimando karon sa Bureau of Fishiries and Aquatic Resources Davao region nga dili una mokaon ug mga kinhason ang katawhan nga naggikan sa Balite Bay sa Mati City Davao Oriental ingon man sa Katubigan sa Sta. Maria Davao Occidental human kini nga nagpositibo sa Red Tide.

Nasayran nga dili pa lamang dugay naghimo ug Laboratoryo ang BFAR Central Office ingon man ang Local Government Units sa mga kinhason ug Alamang diin ang resulta positibo kini sa Red Tide. Hinuon gipaneguro sa BFAR nga way angayang kabalak-an ang pagkaon sa mga Isda, nukos, pasayan, lambay ug mga alimango apan gikinahanglan lamang nga lab-as ang paliton ug hugasan kini ug mayo una pa man lutuon.

Sumala pa ni BFAR-Davao Region director Fatma Idris labing una kining nahitabong kaso sa Sta. Maria sa Davao Occidental samtang sa kabahin sa Balite sa Mati City nga matag summer season masinati gayod ang Red Tide sa nahisgutang lugar.

“Sa karon, we immediately told LGUs to conduct massive service bulletin. Nakiusap na din kami sa mga municipal agriculturist sa palengke, na ‘wag muna kayo magtinda at kumain ng shellfish,” ingon ni Idris.

Nasayran pa gikan ni Idris nga ang lugar sa San Pedro Bay sa Western Samar, Lianga Bay sa Surigao del Sur, ug coastal waters sa Dauis ug sa siyudad sa Tagbilaran sa Bohol, nagpositibo sab sa paralytic shellfish poison.

Gipasabot sa BFAR- Davao Region nga ang tao nga makakaon sa mga kinhason nga kontaminado sa Red Tide makahatag kini ug delikadong balatian sa lawas ilabi na sa mga tao nga dunay severe o chronic respiratory conditions, sama sa emphysema o asthma.

Related Posts

Leave a Comment