CAGAYAN DE ORO CITY- Gikasuhan na sa kapolisan ang usa ka kawani sa City Hall nga nasikop tungod sa pagbaligya sa illegal nga druga.
Maoy gikasuhan ni Candido Echalico alyas Pigos, 51 anyos, minyo nga taga Carmen ning dakbayan ug sakop sa Departamento sa City General Services Offices.
Nasikop ang suspetsado pinaagi sa drug buy bust operations nga gilusad sa hiniusang pwersa sa Bulua Police Station ug Regional Special Operations Group o RSOG-10 diha sa Gaston Park. Atubangan ra City Hall. Kasong pagsupak sa RA-9165 ang gisang-at batok kang Echalico.
Nakuha gikan sa suspetsado ang 2 ka sachet sa shabu nga nagbalor sa 5 mil pesos. Matud pa sa kapolisan dugay nang gipanid-an si Echalico gumikan sa pagpamaligya sa ginadiling druga apan kagahapon lang siya nasikop sa kapolisan.09